oleh Iswan Sual
Kalu kita ada arti
Kita blum suka mati
Mar kalu kita beking susa pa ngoni
Biar jo kita pigi
Kalu kita ada arti
Tolong hargai
Kase kita pili sandiri
Apa jo tu mo jadi
Kalu kita ada arti
Coba sabar dang sadiki
Kita beking apa yang musti
Cuma, kita nda’ sepasti
Kalu kita ada arti
Jang lempar kita di peti mati
Karna so deri kacili
Ada citacita ta simpang di hati
Kalu kita ada arti
Kita pe suara dengar akang sadiki
Jang stel pongo alias tuli
Kita cuma mo tagi ngoni pe janji
Juni 2013
Tidak ada komentar:
Posting Komentar